Serbske ludowe spěwy

Grabała Hanicka pód gólku wows

2. »Bog śi tud spomagaj, Hanicka!
||: Debu śi spomagaś wowsa grabaś?« :||

3. »Bźez pomocy jo pósecony,
||: bźez pomocy buźo zgrabany.« :||

4. »Hanicka, njedawaj gjardych słow,
ty sy mě małučka zlubjona,
ako sy kólebkach lažała.

5. Z nožkoma som śi ja skólebał,
||: z ruckoma som śi ja kóšulku šył.« :||

6. Chyśiło źowcyšćo grabice,
||: běžało domoj płakucy. :||

7. »Muterka, luba maś mója,
co wy sćo kuli scynili,
až sćo mě małučku zlubili!«

8. »Mjelc źe a njepłac, ty źowcyšćo,
||: mej comej rejtarjej’ zapłaśiś.« :||

9. Rejtaŕ ten stupašo pśez progi,
||: muterka licašo pjenjeze. :||

10. Wšykne te złota cerwjene,
||: wšykne te tolarje šyroke. :||

11. »Wy njejsćo lubili pjenjeze,
||: ale sćo lubili źowcyšćo.« :||

12. »No, ga bjeŕ sebje ju Bóže mě,
||: Bog kśěł, aby za lěto wumrěła.« :||

13. Hyšći tam njebě žednog’ pł lěta,
||: wumrěło rejtarjej’ źowcyšćo. :||