Serbske ludowe spěwy

Och, luba lubcycka

W originalnej zběrce njejsu noty k tekstej podate.

1. »Och, luba lubcycka,
pśewóź mě domoj!«
»Njebudu, njesměju,
muterka šćoka.«

2. Muterka za źowćom
ze šćěpku ganja,
gólcoju ze źowckom
gromadu njeda.

3. »Och, luba lubcycka,
co ga ty cyniš,
gaž ty tej muterce
wšo wupowědaš?«

4. »Pśec ga to njederu?
Wšak sy mě zlubił,
až coš mě zebraś.
Wěrno njebuźo!«

5. »Wěrnje a zwěru som
ja śi to zlubił:
To jo tak wěrno, ak
na njebju słyńco.

6. Pśec ga ty wóte mnjo
tak groznje mysliš?
Ja som śi pódwólił
cełu wutšobu.«

7. »Och, luba muterka,
pśec ga tak šćokaš?
Ja som to źowcyšćo
sebje wuglědał.«

8. »Maš-li ty pjenjeze,
aby wupłaśił?«
»Styri mam pjenježki,
to jo mój dobytk.«