1. Nalěto se pśibliža,
wšykna ta tšawa zelona jo.

2. Wšykna ta tšawa zelona jo,
wšykne te kwětki běłe, cerwone su.

3. Źowčo, to gorśe ryjašo,
pśecej tak wjelgin tužašo.

4. »Pśec ga ty tužyš, źowcyšćo?
Jo śi twój foter a móterka gram?

5. Jo śi twój foter a móterka gram,
abo jo luby śi wotpowěźeł?«

6. »Mi njej’ mój foter a móterka gram,
teke njej’ luby mi wotpowěźeł.

7. Źinsa jo južo sedym lět,
ak luby jo zlubił zasej pśiś.

8. A buźoš ty tam wordowaś,
pśipowěź jom’ wjele towzynt raz dobrego.

9. Daśi wón na te słowa spomysli,
co moj smoj něga groniłoj.

10. Běłej tej ruce nawdałej,
złotne te pjeršćenje zawdałej.«

11. »Och, njewěŕ źe, njewěŕ, ty rědne źowčo.
Snaź mógu ja ten samy byś.

12. Něto dejš ty ta mója byś,
nikula žedna druga nic.«

13. Rědna ta Hana Nugliškojc,
rědny ten Mato Tšadowkojc.

14. A stej dwa rědnej, nadobnej,
woboj stej na se spodobnej.