Serbske ludowe spěwy

Za serbskeju gólku

2. Ta pak kśěšo na raz
ceło město póžrěś.
Kejžor, ten tek źašo:
»Ja mam jadnu kněžnu.

3. Gaž na nju rěd pśiźo,
ga dam ja ju teke.«
Rěd wokoło źěšo,
na jog’ kněžnu pśiźo.

4. Kněžna ze jśpy źěšo,
dobru noc dawašo:
»Dobru noc nět mějśo,
wy mój nan, mój stary!

5. Pšosćo za mnjo Boga,
ja cu teke za was,
aby zasej pśišła,
strowe se rozgronili.«

6. Kněžna z dwóru źěšo,
dobru noc dawašo:
»Dobru noc nět mějśo,
wšykna dobra celaź!

7. Pšosćo za mnjo Boga,
ja cu teke za was,
aby zasej pśišła,
strowe se rozgronili.«

8. Kejžorowa kněžna
k jazoroju źěšo,
grozna paliwaka
ku brjogoju plěšo.

9. »O, ty swěty Juriš,
stoj mě na pomocy!«
»O, ty luba kněžna,
wěriš ty we Boga?«

10. »Kak ga ja we Boga
wěriś njedejała?
Wón jo za nas wumrěł,
kšej jo za nas pśelał.«

11. »O, ty luba kněžna,
wótpasaj se swój pas,
comej jen zaźergnuś,
za to tłusto šyjsko.

12. Za to tłusto šyjsko,
za tłusto gjarlisko.«
Běrtlowali su ju,
do wóza ju kładli.

13. Styrźasća pór kóń su
wóni zapśěgnuli,
hyšći paliwaku
njejsu z města gnuli.

14. Tśiźasća pór kóń su
wóni pśipśěgnuli,
pótom paliwaku
lěbda z města gnuli.

15. Wjadli su ju, wjadli,
pśez Barlinske mósty.
Wše Barlinske mósty
tšachy se gibachu.

16. Wše Barlinske luźe
tšachy wuměrachu,
wše Barlinske źiśi
do mórja skokachu.

17. »Njebójśo se, luźe!
Wóna njejo žywa,
wóna njejo žywa,
ale běrtlowana.«