Serbske ludowe spiwy

Pod Róžantom łučka je zelena

W originalnej zběrce njejsu noty k tekstoju pódane.

1. Pod Róžantom łučka je zelena,
po łučce jedna mi šćežčička.

2. Po łučce jedna mi šćežčička,
rjana běła mi wuteptana.

3. Štó ha je tola ju wuteptał?
Swjata je Marja ju wuteptała

4. Ducy tam kemši a wote mšě,
ducy tam k nyšporej, wot nyšpora.

5. Tam je ju zetkała Hilžbjeta,
jeje ta ćeta, haj Hilžbjeta.

6. »Pomhaj Bóh, pomhaj Bóh, moja ćeta,
moja ty ćeta, haj Hilžbjeta.«

7. »Ha što ći ludźo wot naju praja,
zo dźě mój wobě płódnej smój!«

8. »Njeprěj wšak, njeprěj wšak, moja ćeta,
moja ty ćeta, haj Hilžbjeta.

9. Ja budu synka porodźić
jednoho synka, haj Jezom Chrysta.

10. To ’dźe so runje srjedź zymy stać,
hdyž ’dźe so morjo sydować,

11. Hdyž ’dźe so morjo sydować
a w lófće ptački ’dźa zmjerzować.

12. Ty pak ’dźeš synka porodźić,
jednoho synka, haj swjatoh Jana.

13. To ’dźe so runje srjedź lěća stać,
hdyž ’dźe so morjo zmawować,

14. Hdyž ’dźe so morjo zmawować,
a w kerkach ptački so porować.«